Til þess að gera langa sögu stutta að þá ætla ég að sameina myndabloggið og þetta blogg undir einn hatt ætla því að halda áfram að skrifa á http://reykjavikurrotta.blogspot.com/ enda miklu skemmtilegra að vera með myndir og stöff...

Annars kemur mitt kæra X heim á morgun eftir 4 mánaða útlegð í kynlífsfangabúðum á tælandi. Þetta er búið að vera mjög átakanleg ferð fyrir hana þar sem vinsældir krúnurakaðra kvenna hefur snar aukist. Nei nei að öllu gríni slepptu að þá erum við öll ánægð með að endurheimta konuna hingað úr allri þessari gríðarlegu lífshættu sem hún er búin að vera í þarna í útlandinu...

Aðalsmaður í sveit kveður héðan úr hljóðveri og við tekur Reykjavíkur Rottan live from The Under World.... haha..

Já ég sit hér á B5 sem að undan förnu hefur orðið fyrir valinu vegna þess að hér getur maður fengið snilldar MAC tölvu til afnota. Ég er að reyna að æfa mig í því að gera ekkert.. Það er í raun vegna þess að ég mun örugglega hafa meiri tíma aflögu en ég hef haft hingað til þegar brynhildur kemur heim... og ég byrja í nyrri vinnu.. ætti í rauninni að vera kominn heim til mömmu og pabba en þar sem að liðið er örugglega sofandi að þá er ég ekkert að stressa mig. Já framkv. við nýju íbúðina ganga nokkuð vel ... Sæþór sannfærði mig um að vaða bara í restina af veggnum ætlum að gera það á morgun þannig að þá verður tekin ný mynd sem sýnir breytingarnar... hann sannfærði mig líka með að bíða með gólfið þangað til að ég er búinn að safna nægilegu fjármagni til að setja eitthvað alminnilegt á gólfið.. langar mest í eitthvað hvittað... enda þema íbúðarinnar svona náttúrulegur hreinleiki ef svo mætti að orði komast hahahaaha........ Nei ætla að reyna að gera allt til þess að lýsa íbúðina og gera hana sem afslappaðasta... svona japanskur still eða þannig... íbúðin er reyndar öll komin í hausnum. verð bara að sjá hversu lengi það tekur mig að framkv. jæja nóg í bili.... sæjónara eða var það sæ jón ara...

Já eins og segir í fyrirsögninni að þá verður þetta engin langloka. Vildi bara minna fólk á Mynda dagbókina sem er neðarlega til vinstri undir myndir...... :-)

 Þegar þetta er ritað að þá erum við stödd heima hjá mömmu og pabba eins og svo oft áður í vetur. Búið að vera nánast ritúal að koma í bæinn á föstud. og gista fram á sunnud. Bifröst er ss. að mörgu leyti ágætis staður en alltaf gott að koma í bæinn. Það er oft mikið stress, því að oft er búið að skipulegga alla helgina á miðvikurdegi..

 Jæja ætla ekki að hafa þetta lengra...

Jæja veikindin eru komin. Á leiðinni í bæinn á föstudag þá byrjaði rúllettan. Arent kvartaði aðeins yfir verkjum í maganum en vegna þess að sú aðferð er iðulega notuð þegar snikja á nammi eða einhvern skyndibita að þá tók ég svona mátulega mark á honum. Þangað til að fyrsta gusan kom....svona forréttar gusa eða undirbúnings gusa. Gusa nr. 2 var þeim mun magnaðri hún var það mögnuð að greyið hún Thalía fór að há gráta og kúaðist eins og sönn prinsessa. Desert gusan var í raun bara til skrauts. Eftir að hafa rifið strákinn úr flestum fötum fært hann í ný og komið honum fyrir í framsætið enda aftursætið út ælt. Var haldið áfram í bæinn með alla glugga opna enda minnti lyktin á fiskibræðslu/sútunarverksmiðju. Krakkarnir fengu að gista þá nótt hjá Ömmu Steinunni því að það var verið að mála í skipholtinu. Eftir langþráðan svefn að þá kom að laugardags morgni. Átti fund með konunni sem er að selja mér stigahlíðina og fékk að skoða í fyrsta sinn íbúðina sem ég var búinn að kaupa. Þetta er falleg og björt íbúð á 3ju hæð í blokk nr.2 sé talið frá kringlunni eða nr. 28. Ég er virkilega búinn að hugsa þessa eign í gegn og er kominn með með nokkrar góðar hugmyndir að eldhúsi og svefnherbergi. Einhvern veginn að þá passar þessi eign mér rosalega vel. Ég hefði ekki geta fengið betri stærð. 

http://www.mbl.is/mm/fasteignir/fasteign/?eign=237930

 Hér eru nokkrar myndir fyrir þá sem vilja skoða. Kona á miðjum aldri sem átti heima þarna og má fullt gera fyrir þessa íbúð með lítilli fyrirhöfn. Enda fór laugardagurinn allur í það að velta vöngum yfir allskonar blöðum ásamt því að ég þurfti að fara í vinnuna um kvöldið. Það gékk nú ekki betur en það að bíllinn fór a haga sér eitthvað furðulega þannig ég fékk lánað bílinn hjá mömmu & pabba. Á sunnudeginum var farið í sunnudagaskólann í háteigskirkju og smá ferð í smáralindina Bjarni & Þóra komu í heimsókn. Á mánudeginum missti ég mig aðeins og keypi mér nýjan gsm. með þessari líka fínu mynda vél þannig að nú er ég kominn með myndasíðu sem é sendi inn allskonar myndir. Þvílík snilld. Jæja ætla ekki að hafa þetta lengra í bili... bæjó..

Myndir Myndir Myndir....

 

Já það er loksins komið að þeim tímamótum í lífi mínu sem bloggari að fara hala niður myndum af mér og mínum til þess að birta fyrir ykkur hin. Eins og gefur að skilja að þá mun meiri hluti myndanna vera af börnunum mínum. Enda ekki mikið annað myndað á þessu heimili..

 

Já ætli það muni ekki taka mig ca. viku að skrifa þetta blogg... miðað við hraðan sem er á mér...byrjaði á þessu bloggi fyrir helgi og er enn að reyna að berja eitthvað saman...

 

En nýtt nýtt... Er að fara bjóða í íbúð á morgun... Er búinn að finna eign sem mér líst bara þokkalega vel á. Er í stigahlíðinni í blokkunum meðfram miklubrautinni en snýr samt frá henni þannig að maður ætti ekki að verða fyrir of mikilli hávaða mengun.. Annars héld ég að hún hafi upp á allt sem ég er að leita að. Stuttar vegalengdir í skóla, bæinn, kringluna og mömmu & pabba. Ég vona bara að ég nái að landa þessari er nefnilega búinn að missa af tveimur síðustu vikur... Nenni ekki að vera að þessu þannig að ég ætla að reyna að landa þessari. Get nefnilega alveg séð mig fyrir í þessari. Þó að þetta sé í blokk að þá hefur maður ekki efni á öðru.. Er ekki alveg að takast að selja Akranes þannig að allur aurinn minn er fastur í þeirri eign.

 

Er ss. vel spenntur. Annars er lífið gott þessa dagana. Er að sjá fyrir hornið á allskonar drasli sem maður hefur verið að reka á undan sér og vonast til þess að verða búinn að þessu fyrir sumarið þannig að maður geti átt letilíf í sumar.

 

Arent og Thalía hafa það mjög gott og er veggurinn hér heima bráðum stútfullur af fínum teikningum enda er stefna að breyta þessu í listasafn... Þau eru auðvitað þvílíkir snillingar þannig að það er ekki lengi verið að því að henda einu listasafni upp..

 

Annars var ég að vinna þessa helgina og verð að vinna næstu og næstu.. Þannig að það er ekki mikill tími fyrir það að hitta annað fólk en það sem er undir einn meter..

 

Jæja ætla drulla mér í háttinn góða nótt..

 

Ps. Myndir koma á morgun ..

 

 

 

Heimsins versti bloggari kveður sér hljóðs aftur.....

 

Já eins og áður sagt að þá er ég ekki mikið fyrir persónulegar játningar og hef því reynt frekar að segja frá því sem gerist svona dagli dags. Það er samt eitt í því að vera skrifa um svona daglega hluti að maður verður að SKRIFA DAGLEGA....            

Er nefnileg frekar gleyminn og er því ansi erfitt að rifja upp síðustu 3 vikur eða svo...

 

En beisikly að þá er hið ljúfa líf á bifröst búið að vera gott. Er búinn að vera mjög duglegur að mæta í ræktina. Ekki það að ég sé gjörsamlega búinn að missa mig í heilsunni, frekar að Arent & Thalíu finnst svo gaman að fara á æfingu að ég er í rauninni togaður með. Ég kvarta ekki ...haha

 

Nei hlakka til morgundagsins. Fyrsta sinn síðan ég kom hingað sem ég er með pössun yfir nótt á fimtudags kvöldi. Er að vonast til þess að það verði gott djamm og jafnvel party á eftir. Langt síðan ég hef komist almennilega út. Er venjulega með öskubuskusyndromið þar sem ég þarf að yfirgefa djammið á slaginu 24:00 og flýja heim í kastalann þar sem barnapían bíður... En á morgun verður tekið á því...

 

Sagði upp um daginn... ekkert svo sem merkilegt við það. Var reyndar ekki kominn með neina vinnu. En það er svo merkilegt við lífið að daginn eftir ég segi upp að þá dettur inn tilboð sem þjónustufulltrúi hjá Glitni í smáralindinni. Ég hef lengi verið að gæla við það að skipta um vinnu umhverfi. Fara úr umhverfi sem snýst um að reyna alltaf að hafa allt í lámarki. Yfir í umhverfi sem nóg er af aurum og það ekkert smá. Hagnaður bankanna var víst yfir 163.000.000.000 á síðasta ári. Ansi mörg núll þarna...

 

Já það verður ljúft að vinna reglulegan vinnudag hef ekki gert það síðan að byrjaði að vinna fyrir ca 16 árum. Er jafnvel að gæla við þá hugmynd að skella mér í master í verkefnastjórnun. Verð nefnilega að vinna frá 12-18 virka daga og aðrahvora helgi laugardaga 12-16 og sunnudaga 12-15. Svo fæ ég frí í 6 daga í mánuði vegna þess að ég er að vinna um helgar, EKKERT SMÁ LJÚFT... Ef ég er að reikna dæmið rétt að þá verð ég að vinna ca. 100 tíma í mánuði en fæ samt greitt 100%. JIHHHA..

 

Kv. THE BANKMAN

 

Jæja ágæta fólk.. Komið hefur í ljós samkv. óáreiðanlegri könnun að ég er lélegur bloggari...

Ég er ekki fyrr búinn að opna síðu fyrr en að ég er farinn að vanrækja það að skrifa. En hér koma nokkrar línur um það sem hefur drifið á daga okkar frábæra þríeykis....

Síðasta vika var nokkuð góð enda mikið um að vera í okkar litla heimi. Við erum að komast nær þessari fullkomnu rútinu. En takmarkið er þetta:

07:00 – Vakna og þrífa & klæða okkur. Jafnvel að kíkja aðeins á Cartoon Network svona á meðan pabbin blandar sér protein shake í morgunmat...

07:40 - Labbað af stað í leikskóla.

08:00 - Mættur á hlaupabrettið í ræktinni.

08:40 - Lagt af stað í vinnu.

09:00 - Vinna.

16:00 - Vinna búin heim að ná í krakkalinga

17:00 - Komin heim... frjáls tími... út að leika, ræktin eða farið í búðina.

19:00 - Matur & háttatími. 20:00 - Farið að sofa.

20:30 - Frjáls pabba tími. Heimsóknir, kaffihúsið, lestur eða þáttagláp.

24:00 Farið að sofa

Veruleikinn hingað til er hinsvegar... í 60% tilvika:

08:30 - Vaknað, krakkarnir búnir að rústa stofunni, eldhúsinu og herberginu sínu... 08:40 - Keyrt í leikskólann.

09:10 - Of seinn í vinnu...

16:30 - lagt af stað úr vinnu. 16:50 - Náð í krakkana...

17:00 - Þrífa eftir krakkana frá því um morguninn.

19:00 - Matur & háttatími.

20:30 - Farið að sofa

21:00 - Frjáls pabba tími. Heimsóknir, kaffihúsið, lestur eða þáttagláp.

02:30 - Farið að sofa...

Jæja eftir að hafa sett þetta á blað að þá er mun auðveldara að sjá hver ástæðan er fyrir því að ég er að vakna svona seint.. Hmmm..

Ætla fara fyrr að sofa í kvöld....haha

Nei annars erum við nokkuð vel stemmd. Arent var reyndar með hita síðustu 2 sólarhringa og það er einhver skítur í kverkunum á okkur öllum...Magnað hvað það getur komið mikið slím í litlum nebbum...

Þetta verður ekki lengra að sinni..

Bless bless...johnny

Komið að því að gera upp síðustu 2 daga....... laugardagur fór í að moka ofan af bílnum. Haha. Nei en ég ætla ekki að ljúga að ykkur það tók sinn tíma enda búið snjóa það mikið að elstu menn muna ekki eftir öðru eins og minnstu menn sjá ekki út úr. Eftir að hafa þiðið bílinn að þá var haldið í bæjarferð. Á leiðinni í bæinn var stoppað og ýmislegt nauðsýnlegt verslað, súkkulaði, súrir broskallar, bleik súkkulaði egg, hvitar kúlur sem enginn vissi hvað var og lakk-grís. Eftir þetta var haldið í ammæli þar sem smartísfylltar súkkulaðikökur og gos og rice krispís kökur og Mína Mús ammælissúkkulaðilakkgrísskreyttamarþastúartkaka og ...og .. og margt fleira. Til að gera langa sögu stutta að eftir að viss börn voru búina að dæla í sig ca ½ kílói að hreinum dönskum sykri var þeim skuttlað heim til ömmu og afa í de-tox. Ég slapp út um kl 21.

 

 

Sunnudagur var ljúfur var vaknaður rétt fyrir 10 skellti mér í sund og synti 1km. Kl 11 var barnaguðþjónusta í háteigskirkju. Mamma hefur farið nokkru sinnum með þau þannig að ég ákv. að skella mér núna til þess að ath. hvort nokkuð misjafnt væri í gangi. Nei nei allt í góðu. Greyið kennarinn missti þá spurningu út úr sér eftir að hafa verið með einhvern brúðuleik á milli andarunga og refs þar sem refurinn endar með því að sýna væntumþykju með þvi að sleikja andarungann: Eru aðrar leiðir að sýna væntumþykju en með því að sleikja hvort annað?

 

 

Eftir þessa bráðskemmtilegu guðþjónustu var haldið heim í tilrauna eldhús móður minnar þar sem hádegisverðarréttur dagsins var Lamb Provecial eða lamb á franska vísu. Mamma er þeim gæðum gædd að hún getur tekið sig til og ætlað að elda indverskan karry kjúkkling en  komin hálfa leið að þá á hún ekki karry. Þannig að þegar borið er á borð heitir rétturinn Indverskur Karry Kjúlli ÁN KARRY. Hahaha. Nei franska lambið var fínt reyndar borið á borð með gulum & grænum baunum frá ORA, hálfsoðnar kartöflur og rabbabarasultu, franskara varð það ekki. J

 

 

Eftir hádegið var gamli STIGA sleðinn minn dreginn fram og við erum að tala um ca 20 ára gamlan sleða. Eftir smá nostalgiu hugartripp þar sem sigrar & ósigrar mínir í sleðaakstri fengu að njóta sín var farið í að dusta rykið af gömlu eldingunni. Nýtt vax var borið á skíðin og upp hófust þær umræðu hvort við ættum að gera sleðan alveg upp. Þær hugmyndir dóu fljótt enda ekki um einhvern fjarsjóð að ræða nema þá kanski fyrir mig. Haha

 

 

Brunað var upp á bifröst þar sem sleðinn var prufukeyrður. Allar ferðir voru mjög vellukkaðar nema ein þar sem bifrastarskógurinn fékk að finna fyrir reiði eldingarinnar. Enginn slasaður en Thalía þurfti smá sannfæringu um að fara aftur með. Eftir margar vellukkaðar ferðir var sú ákv. tekin af meirihluta neðri þingdeildar að til að ná eðlilegum líkamshita þurftum við að fara í pottinn. Þannig að það var gert. J

 

 

Jæja er núna að berja saman humarkraft. Ætli ég hafi ekki fengið eitthvað af þessari tilraunareldamennsku frá móður minni. Gott að geta átt í eina humarsúpu ef einhver skyldi detta inn í kvöldmat. J

 

 

Jæja ætla ekki að hafa þetta lengra í bili ENDILEGA SKRIFIÐ SMÁ SKILABOÐ....

 

 

L8er

 

 

Yours truly, johnny rotten

Jæja en og aftur var textinn minn að engu eftir að hafa skrifað nokkuð góða færslu. En það er bara að reyna að venja sig við að skrifa textann í word áður en maður límir hann inn.

 

Jæja dagurinn í dag var flottur. Arent tók upp á því í nótt að skila kvöldverðinum í rúmið þar sem við sváfum. Góð afsökun fyrir mig að taka mér frí frá vinnunni. Það var þá bara að rölta með Thalíu í leikskólann og svo vorum við Arent bara heima í rólegheitum. Notuðum reyndar tækifærið til að taka ærlega til, var kominn tími á það eftir langt frí. Það er búið að snjóa í 2 daga samfellt og í dag var vísst eitthvað slys sem lokaði veginum á milli bifrastar og borgarnes. En í mínum augum er þetta frábært. Ég hata nefnilega EKKERT veður en það er þjóðarveður okkar íslendinga. Ég er því í skýjunum þegar snjórinn loksins kemur. Í mínum augum birtir allt til þegar snjórinn kemur allt verður miklu fallegra og hreinna. Auðveldar manni að komast í gegnum þetta hryllilega myrkur...

 

Tónleikarnir í gær voru fínir reyndar var svolítið leiðinlegt hvað það var talað mikið. Þetta hafði ekki svo stór áhrif á mig enda sat ég á góðu borði framarlega til hliðar og var útsýnið frábært og þá er ég ekki að tala um söngkonuna. Haha

 

Nei lífið kemur manni þægilega á óvart þessa dagana. Alveg yndislegt að fá að vera svona mikið með börnunum mínum þetta eru forréttindi og ekkert annað. Lít líka á þetta sem innlögn í bankan enda er það hér á landi sem og annarstaðar að lögheimili barnanna virðast í 99% tilvika vera hjá móðurinni. Ekkert skrítið við það svo sem fyrir 50 árum en furðulegt hvað það er mikið enn þann dag í dag. Jæja það er endalaust hægt að velta sér upp úr þessum pælingum bottom line er að ég held ég gæti ekki verið sáttar enn að fá þetta tækifæri.

 

 

 

 

L8er

Ætla láta þetta vera loka orðin í kvöld enda búinn að taka smá tíma að koma þeim á blað

Sælt veri fólkið.... eða hvað??

 Já það er víst þannig að við erum öll að leita að hamingju. En hvert á maður að fara til þess að finna hana. Ekki auglýsir Bónus hamingju á hálfvirði eða ekki eru til þættir í sjónvarpi sem fjalla um "nýjustu hamingju & vísindi". Nei, einhvern veginn að þá held ég fyrir mína parta að hamingja felist í núinu...

 

Einhver frægur spekingur sagði að það væri ekki til núið heldur aðeins til fortíð og framtíð sem mættust. Rólegur með að taka hlutina út í öfgar

 Nei núið er mikilvægt, núið er vegurinn sem þú gengur eftir í átt að takmarkinu. Flestir vita þetta nú þegar. En fæstir reyna að vera þannig, maður gleymir sér í framtíðinni.  Ég þarf að sækja  krakkana, elda, þrífa, borga reikninga, þvó o.s.frv. eða djöfull væri gott að flatmaga á einhverri strönd.

 Nei í dag ætla ég að reyna að hverfa aftur í að hafa hlutina á hreinu og lifa einn dag í einu. Í dag ætla ég að fara út í nýfallinn snjóinn búa til snjókarl með krökkunum, drekka kakó, borða fimtudags pizzu, lesa barnasögur og fara á tónleika.

 Nei núið er mikilvægt, núið er lika vegurinn sem þú ert á, komandi frá fortíðinni. Fortíðin hefur mótað okkur í það sem við erum í dag og fyrir vikið að þá eigum við auðveldar að setja okkur rétt takmörk fyrir framtíðina.

 En auðvitað koma þeir dagar þar sem ég festist í fortíðinni. Þá spyr maður sjálfan sig, hvort að þeir hlutir sem ég hef gengið í gegnum geri mig að betri manni eða hvort að þetta sé bara þráhyggja.

 Ég held að ein leið til þess að komast skrefi nær því að lífa í núinu er að temja sér æðruleysi. Sætta sig við hluti sem maður færi ekki breytt.

 

Jæja nóg með pælingar. Endalaust hægt að gera það.

 

Endilega komið með komment.

 

L8er

 

 

 

 

Jæja eins og áður sagt að þá er maður fallinn í þá gryfju að fara skrifa um sjálfan sig á einhverri blogg síðu. Verð að viðurkenna það að ég hefði verið síðastur manna til að trúa því að ég myndi byrja á þessari vitleysu. En þar sem að maður býr í sveit að þá eru það kannski einhverjir sem hafa áhuga á að vita hvað er að gerast hjá mér, Arent & Thalíu þessa dagana. Ætla að reyna bæta um betur með einhverjum myndum þegar maður kann alminnilega á tæknina.

Það færi kanski ráð að spyrja ykkur hvernig best er að hýsa myndir í þessum netverja heimi???

Ábendingar vel þegnar

Djöfull er þægilegt að byrja nýja árið með rólegheitum í vinnunni. Búinn að vera að missa mig í HEROES þáttunum síðustu daga og er að mæta frekar súr af svefnleysi í vinnuna.

En sem sagt foreldraviðtal í fyrramálið og á föstud. þannig að ég þarf að fara snemma að sofa. Þarf að vera mættur með krakkana kl:0745. Svo er bara að drulla mér út og fara að hitta fólk þannig að maður sé ekki einn með sínum sjúku hugsunum. En ég ætla ekki að ljúga því að það er gott að hafa kvöldin. Þetta er allt annað líf. Er svo vanur því að vera að vinna langt frameftir. Svoleiðis vinna fokkar upp alla rútínu og fjölskyldu.

L8er

Þessar færslur verða bara styttri og styttri. Enda er þetta í þriðja sinn sem ég reyni að segja frá helginni og er alveg að missa mig. Jæja hér kemur þá helgin. Árhátið var á föstudagskvöldi. barnaafmæli hjá Einari frænda á laugardaginn. Keypt var barbapabba bók, súpermann spil og slímbolti með skriðdýrum í blóði sem koma í ljós ef maður kreistir boltann. Það þarf ekki að taka það fram að slímboltinn sló þvílíkt í gegn. Þegar sunnudagurinn rann upp var málið að koma sér upp á bifröst en þó ekki án þess að kveðja ævintýraland. Enda held ég að börnin mín hafa myndað tilfinningaleg tengsl við þann stað eftir að hafa fengið að fara 4 sinnum yfir jólin.

Bifröst er að koma til ég er að aðlagast og íbúðin er að komast í samt form eftir jólin. Nú er bara að koma sjálfum sér í svakalegt form

Tónleikar á fimtud. á kaffi bifröst Lay Low að mæta í sveitina. Er svona nokkuð öruggur með pössun.... vona að það gangi. Væri alveg til í að skella mér á meðal fullorðna. Annars virðast allir vera boðnir og búnir til að hjálpa manni. Greinilegt að það virðist vera eitthvað mjög óeðlilegt að pabbinn sjái um börnin sín. En það er bara jákvætt.

L8er 

< />Hvað er eiginlega í gangi hérna. Er búinn að skrifa 2 fínar færslur en þær birtast ekki AAAAAAARRRRRGGGGGGGG.

Já það er ekkert grín að eiga 2 pissublauta krakka. Fór með uppsafnaðan þvott í þvottahúsið hér á bifröst. Snilld að geta klárað það sem hefði tekið mig 2 vikur í venjulegri vél á 2 tímum. Það er nefnilega einhverjar "huge" industrial vélar sem geta tekið allt að 2 fermingadrengi.

Talan 2 er greinilega eitthvað að gera sig þarf að ná í krakkalingana eftir 2 min. Verð heima hjá Mömmu og pabba næstu 2 næturnar. Er að fara á 2 fundi á morgun og svo mætti lengi telja áfram í pörum. Nema þá með mig þar sem ég er ekki par lengur

Er nú bara nokkuð sáttur við það. Árshátíð hjá Icehotels núna á föstud. alltaf eitthvað af fallegum fuglum þar kanski maður nái að hreiðra aðeins til fyrir einum ófleygum.

Jæja þarf að ná í krakkalingana... óver end át